- 188 -
1347 (22. listopada) Norymberga.
Karol IV. Luksemburski król Niemiec (Rzymian) i Czech pisze do książąt śląskich, aby porzucili wszelaką wrogość względem siebie, aby zajęli się ochroną swoich ziem przed ulotnymi złodziejami i innymi złoczyńcami, a szczególnie w księstwie wrocławskim.
— Karolus, dei gracia Romanorum rex, semper Augustus et Boemie rex, vniuersis et singulis illustribus . . ducibus in partibus Polonie constitutis nostre dicioni subiectis, ad quos presentes peruenerint, graciam regiam cum plenitudine omnis boni!
Inter alia desiderabilia cordis nostri, quibus pectori nostro materia cogitacionis infunditur, precipuum gerimus in affectu, qualiter terre nostre dicioni subiecte et specialiter Wratislauiensis nostra mediante sollicitudine sub amenitate pacis et comodi nostris temporibus feliciter perseuerent; magnificenciam igitur vestram vniuersaliter et singulariter attente requirimus et hortamur ac omnino volentes mandamus, quatenus nullas guerras hinc inde inter vos mutuo velitis gerere et habere nostre celsitudini in hoc plurimum placituri. Eidem eciam vestre magnificencie specialiter inhibemus, ne aliquos profugos, malificos (!) et raptores in dispendium terrarum nostrarum presertim terre Wratislauiensis tenere et fouere quomodolibet presumatis, prout regie celsitudinis graciam diligitis et fauorem.
Datum in Nurenberch x Kalendas Decembris anno domini millesimo trecentesimo quadragesimo septimo, indiccione xv, regnorum nostrorum anno secundo.